Албатта ҳукм Аллоҳникидур Сиёсий сақофий таҳлилий сайт

урушиб, уларни ўз юртларидан чиқариб юбораётганлари учун бу дунёда расво бўлишлари, охиратда эса қаттиқ азобга дучор бўлишларидир. Нақадар аянчли манзара! Агар шунчаки, сизларга уларни чиқариб юбориш ҳаром қилингани ҳолда улардан бир гуруҳини диёридан чиқариб юборасизлар, дейилганида чиқариб юборишнинг шаклу шамойили тушунилмаган бўларди. Яъни, уларни битим, савдо-сотиқ каби оддий, тинчлик йўли билан чиқариб юборишлари ҳам тушунилиши мумкин бўларди. Лекин бу ерда ўша фосила яъни, уларга қарши гуноҳ ва тажовузкорлик ила душманлар билан тил бириктирасизлар ва уларнинг асирлари келса, улардан фидя оласизлар, деган иборанинг ўртага қўйилиши уларнинг тинчлик йўли билан эмас, уруш йўли билан ҳайдаб солганларини англатади. Шундан кейин бу ишнинг нақадар хунуклигини кўрсатувчи ўша ҳукм янграйди. Яъни, уларнинг ўз биродарларини чиқариб юборишлари уруш йўли билан бўлган. Шунинг учун бу ердаги икки бир-бирига ёпишган ҳолда келиши лозим бўлган гап бўлакларининг

وَتُخْرِجُونَ فَرِيقاً مِّنكُم مِّن دِيَارِهِمْ
(ўз тоифангиздан бўлган бир гуруҳни диёрларидан ҳайдаб чиқармоқдасиз),

وَهُوَ مُحَرَّمٌ عَلَيْكُمْ
(ҳолбуки, сизларга ҳаром қилинган эди) орасига фосила – ажратувчининг кириши бежиз бўлмаган. Ундан мақсад жиноятнинг хунуклигини, оғирлигини, яъни, уларнинг ўз биродарларини тинчлик йўли билан эмас, уруш йўли билан чиқариб юборганларини кўрсатиш бўлган.

Бундан яна шу нарса англашиладики, улар олдинги учта аҳдни бузганлар. (ўлдиришни бас қилиш, чиқариб юборишни бас қилиш ва уларга қарши душманлар билан ҳамкорлик қилмаслик). Фақат тўртинчи аҳдгагина риоя қилганлар. (асирлардан фидя олиш). Шу билан улар бирига имон келтириб, бошқасига имон келтирмайдиганларга айланганлар.

أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ
(Ё китобнинг (Тавротнинг) бир қисмига ишониб, бир қисмини инкор қиласизми?). Бу истифҳом – сўроқ гап ҳам инкор қилиш ва ҳам танбеҳ бериш маъноларидадир.